.jpg)
Ийм олон улсын жишиг байдаг. Тэгвэл Улаанбаатарт 1000 хүнд оногдох машины тоо дээрхи хэмжүүрийг 2 дахин давж, 269 хүрчээ. Түүнчлэн 1000 машинд оногдох машины тоо 200-250 хүрсэн тохиолдолд нийтийн тээврийн хэрэгсэлд давуу эрх бий болгож, түүгээр л зорчих асуудал тавигддаг аж. Гэтэл энэ хоёр тоог Монголчууд хэдийнээ давсан боловч, дугаарын хязгаарлалтаас өөр ямар ч зохицуулалтгүй явж ирлээ. Тиймээс Улаанбаатарчууд 9-р сарын 1 болон цагаан сар зэрэг ямар нэгэн баяр ёслолоор хавтгайдаа түгжирч, дээд цэгтээ хүртэл бухимддаг. Тэгвэл Улаанбаатар хотын захиргаанаас зарим нэгэн зохицуулалт хийхээр төлөвлөж байна. Нийслэл хотын ид ачаалалтай үе болох өглөөний 07.00-10.00, оройны 17.00-20.00 цагийн хооронд орон нутгийн дугаартай авто тээврийн хэрэгслийг хотын А,Б бүс дэх автозамын хөдөлгөөнд оролцуулахыг хязгаарлах. Мөн А,Б бүсэд төлбөртэй зогсоолын тоог 15700 -д хүргэж, түгжрэл үүсэхэд нөлөөлдөг авто зогсоолын асуудлыг шийдвэрлэнэ.
"ҮНДЭСНИЙ ШУУДАН" сониноос ишлэв
