ХААН Банкнаас орон даяар зарласан “Гайхамшигт аялал” картын урамшуулалт аяны сүүлийн 5 тохирлын эзэд 8-р сарын 04-ний Ням гарагт МҮОНТ-ийн 1-р сувгийн шууд нэвтрүүлгээр тодорсон билээ.
Бүгд Найрамдах Индонез Улсын Бали арлаар аялах азтай харилцагчдаар Б.Батбаяр, Т.Өлзийжаргал, С.Лхагважав, Н.И.Глушкова, Ү.Өнөрцэцэг нар тодорч, батламжаа авлаа. Байгалийн үзэсгэлэнт газрууд, түүх соёл хосолсон Бали арлаар аялж, “Гайхамшигт аялал”-ыг бүтээх харилцагчдадаа баяр хүргэе.
Тус аян 6-р сарын 01-ээс 7-р сарын 31-ний өдрийг дуустал орон даяар хоёр сарын хугацаатай үргэлжилсэн бөгөөд ХААН Банкны бүх төрлийн картаа ХААН Банкны карт уншигч ПОС төхөөрөмжид болон гадаадад уншуулаад сар бүр 300,000 төгрөгийн гүйлгээ тутамд нэг тохирлын эрх авч, урамшуулалд оролцсон харилцагчдаас нийт 10 азтай харилцагчийг ийнхүү тодрууллаа.
ХААН Банкны азтай 10 харилцагч үзэсгэлэнт Бали арлаар аялж, “Гайхамшигт аялал, Гайхалтай дурсамж”-ийг хамтдаа бүтээх юм.
Нийт азтанууддаа баяр хүргэе.
