.jpg)
Сонгогчдын саналд мөнгө хүчтэй нөлөөлж байгаа энэ нөхцөлд сумын Засаг даргын сонгуульд энэ хүчин зүйл яаж сөргөөр илэрлээ олох вэ? гэдэг болгоомжлол судлаач бидэнд байна. Үндсэн хуулийн үзэл баримтлалд Монгол улсын төрийн байгууламж нэгдмэл байх ёстой гэж заасан. Төрөөс гаргаж буй тогтоол шийдвэр бүх суманд хэрэгжиж байх ёстой. Гэтэл иргэдээсээ сонгогдсон, ерөнхий сайдад хамааралгүй сумын засаг иргэдээ амласан амлалтаа биелүүлэх гэж зүтгээд Засгийн газар, Төрийн яамны тушаалыг дагахгүй бол яах вэ? гэдэг болгоомжлол үүсэж байна. Тиймээс судлаач бид Үндсэн хуулийн нэмэлт өөрчлөлтийн дээрхи заалт дээр нэгдэж чадахгүйд хүрсэн. Шууд л 329 сум, есөн дүүргийн Засаг дарга нарыг иргэдээс шууд сонгох нь ямар үр дагаварт хөтлөхийг урьдчилан таамаглах, тооцоолох боломжгүй. Ийм дүн шинжилгээ, болгоомжлол байгаа тохиолдолд уг заалтыг Үндсэн хуульд оруулахаас татгалзсан нь дээр.
"ӨДРИЙН СОНИН"-оос ишлэв
