.jpg)
Улс төрийн намын тухай хуулийн нэмэлт өөрчлөлтөнд улсын төсвийн 0,04 хувийг улс төрийн намуудад санхүүжилт болгон олгохоор тусгасан. Мөн "бодлогын судалгааны" гэх тодотгол бүхий санхүүжилтийг УИХ-д суудалтай намуудад олгохоор хэлэлцэж байна. Үүнийг улс төрийн намын санхүүжилтийг хуулиар нэмэгдүүлэх шийдвэр гаргах гэж байна гэж урьдчилан дүгнэж болно. УИХ-д суудалтай улс төрийн намуудад улсын төсвөөс зөвхөн сүүлийн 3 жилд 1 тэрбум төгрөг олгосон нь бага мөнгөн дүн биш. Дээр нь зөвхөн УИХ-д суудалтай намуудыг гишүүдийн суудлын тоогоор нь төсвөөс санхүүжүүлж буй нь тэдгээр сонгогдсон цөөн намыг л дэмжих, УИХ-д суудалгүй бусад намыг шахах гэсэн оролдлого гэж ойлгогдоно. Тиймээс улс төрийн намыг санхүүжүүлсэн бол түүнээс хариуцлагыг нь нэхье. Санхүүгийн тайланг нь ядаж эхний удаад ил тод болгоё.
"ӨНӨӨДӨР" сониноос ишлэв
