Маргаашаас хэрэгжих замын бүсчлэлийг санал асуулгаар иргэдийн 65 хувь нь дэмжээгүй тул хойшлогдлоо.
Улаанбаатар хотын замын ачааллыг бууруулахын тулд энэ сарын 15-наас эхлэн хотын замыг гурван бүсчлэлд хуваах талаар нийслэлийн Замын хөдөлгөөн төлөвлөлт, зохицуулалт, инженерчлэлийн газраас мэдээлэл хийсэн билээ.
Иргэдийн дунд явуулсан нийт санал асуулга явуулахаар 25 орчим веб сайтад линк байршуулсан. Үүний үр дүнд 3,761 санал өгсний 55 хувь нь дэмжиж, 40 орчим хувь дэмжихгүй, 2-3 хувь нь мэдэхгүй гэж хариулсан байна.
Уг үр дүнгээс хамааран энэ сарын 2-ны өдөр Засаг даргын зөвлөлийн хурлаар дахин санал асуулга явуулахаар болсон байна. Дахин санал асуулгаар Нийт 2,800 гаруй хүн санал өгснөөс 65 хувь нь дэмжихгүй, 35 хувь нь дэмжиж байна гэсэн үр дүн гарсан” байна.
Ийнхүү иргэдийн ихэнх нь дэмжихгүй байгаагаа илэрхийлсэн учир маргаашаас эхлүүлэхээр төлөвлөж байсан бүсчлэлийн арга хэмжээг тодорхойгүй хугацаагаар хойшлуулахаар болжээ.
