Дархан хотын Дулааны цахилгаан Станцын ахмадууд Чингис хааны түүхэн дурсгалт өлгий нутгаар аялж Хар зүрхний хөх нуурын байгалийн цогцолбортой танилцлаа.
“Дархан хотыг бүтээж босголцсон эрчим хүчний ахмад ажилтнууд бид жил бүр ингэж эх орноороо аялж сэтгэл оюунаа сэргээн амардаг уламжлалтай. Энэ удаа бид их Монгол улс, эзэн хааныхаа тухай мэдлэг ойлголтоо сэргээсэн сонирхолтой аялал хийлээ.
“Монголын Нууц Товчоо” туульсад тавантаа дурдагддаг Хөх нуур, хойморт нь сүндэрлэдэг Зүрх хайрхан, Сэнгүр горхины тухай асуулт хариултын “АХА” тэмцээнийг нуурын хөвөөнд явуулсан нь бүр ч мартагдахгүй” гэж Ахмадын хорооны дарга Очирсүх онцоллоо.
О.ХИШИГСҮРЭН