Улс төрчдөөс тод харагдаж буй нэг зүйл бий. Монгол улсын ерөнхийлөгч өмнөх ерөнхийлөгчөө буруутгах замаар өөрийнхөө эрх мэдэл буюу, шүүх эрх мэдлийг нэмэгдүүлж ирсэн байдаг. Ерөнхийлөгч Баттулгын санал болгосон төсөлд шүүгчийг томилохтой холбоотой ямар ч зохицуулалт орж ирээгүй. Түдгэлзүүлэх, огцруулах эрхийг хэрэгжүүлдэг байдлыг нэмж оруулсан. 1992 оны Үндсэн хуулинд Ерөнхийлөгч шүүгчийг томилдог байна гэсэн заалт бий.Энэ томилох гэдэг үгийг үе үеийн ерөнхийлөгч нар өөртөө байдлаар л ашиглаж ирсэн. Томилж ч болно, томилохгүй байж ч болно гэдгээр. Харин УИХ-ын 62 гишүүний өргөн барьсан төсөлд, томилдог гэдэг нь батламжилдаг гэдэг утгаар орсон. Энэ нь шийдвэр гаргадаг биш, нэр төдий ёсчилдог үйл ажиллагаа юм.
"ӨДРИЙН СОНИН"-оос ишлэв