.jpg)
Долоо хоногийн дундаас баг дотор асуудал дэлгэрсэн. Багийн гол холбогч Кристиан Эриксон багаа орхих болсон шийдвэр гаргасан нь багийн тоглолтын уур амьсгалд шууд нөлөөллөө. Багийн тоглолт зангидсан гар шиг байж чадсангүй. Кристиан Эриксон явах болсноор баг дотор нуралт үүсэж байна. Үүнийг бид даруйхан шийдэх ёстой. Түүнийг орлох тоглогчийг цонх хаагдахаас өмнө олох хэрэг ч тулгарлаа. Нэгэнт багаа орхихоор шийдсэн түүнийг Ньюкастлын эсрэг гарааны багт гаргахыг зориогүй. Сүүлийн хагаст л сэлгээгээр орууллаа. Бид ямар ч гэсэн нэн даруй шийдлээ олох учиртай. Ерөнхий тоглолтын хувьд сэтгэл дундуур байна. Бид олигтой тоглолт үзүүлж чадсангүй. Санамсаргүй, дэндүү энгийн гэмээр гоол алдсан нь бүтэлгүйтлийн эхлэл болсон. Статистик үзүүлэлэлтээр манай баг бөмбөгийг 80 хувь эзэмшсэн ч, маш цөөн тооны гоолын боломж үүсгэсэн. Энэ бол туйлын хангалтгүй үзүүлэлт. Бөмбөг эзэмшиж л буй бол довтолгоон үүсгэж, гоолын нөхцөлийг бий болгох ёстой. Бид тэгэж чадсангүй. Тоглолтонд сэтгэл дундуур байна.
С.ШИНЭСАР
