Ээжийг хүүхдүүд дуурайдаг. Хог хаягдлаа гэртээ ангилан ялгахаас байгаль орчиноо хайрлах сэтгэл эхэлдэг. Хүүхдүүд эхийгээ харж, дадал суудаг. Бүх зүйлд улсыг, засгийг харвал улс орон хөгжихгүй. Тиймээс улс орноо хөгжүүлэх үйлсэд эхчүүдийн оруулах хувь нэмэр хэмжээлшгүй. Улсын ачааг нуруун дээрээ эхчүүд л үүрдэг. Төсвийн зардлыг ч өөрсдөө хариуцдаг. Гэр орноос гараад ч, байгаль орчиноо тэд л хамгаалан тэмцдэг. Бид Солонгос улсын бүх "Кофе шоп"-д хяналт тавьж эхэлсэн. Тэнд цаасан аягыг хэрэглэж байна. Цаасан аяга гэдэг бол мод огтолж, байгалийг сүйтгэж байна гэсэн үг. Нэг ч гэсэн модыг байгаль дэлхийдээ авч үлдэх ёстой. Тиймээс "Кофе шоп"-д цаасан аягаар кофе уухыг хориглуулж чадсан. Сууж уух бол шаазан аяганд уух, авч явах бол зориулалтын тагтай цаасан аяганд аягалж өгөхийг журамласан. "Кофе шоп"-ын худалдагч, - Та эндээ уух уу, авч явах уу? гэж асуудаг болсон. Авч явахад хүрвэл цаасан аяганы үнэ нэмэгдэж буй. Энэ бол бас нэгэн шахалт. Харин "Кофе шоп"-д цаасан аягаар кофе ууж байх юм бол тухайн "Кофе шоп"-д өндөр торгуульд ногдуулдаг болсон. Одоо Солонгост өөрийн аягаа биедээ авч явах хөдөлгөөнийг " Happy mom" ТББ-аас өрнүүлсэн.
"Комментатор" нэвтрүүлгийн ярилцлагаас ишлэв