БНХАУ анх удаа жолоочгүй автомашин туршихаар боллоо. БНХАУ-ын Шанхай хот жолоочгүй автомашин туршихыг зөвшөөрсөн байна. Хятадын SAIC, Didi Chuxing, Германы BMW гэсэн гурван компани тус бүр 50 хүртэлх тооны жолоочгүй автомашиныг турших зөвшөөрлөө авчээ.
Туршилтаар 24,000км-с дээш, 1200 цаг явах мөн 6 сарын хугацаатай туршилт хийж байж эрхээ авах юм байна. Энэ туршилт нь зөвхөн JIANDING дүүрэгт хийгдэх аж. Уг шаардлагыг хангасны дараа сайн дурын зорчигч эсвэл ачаа тээвэрлэх зөвшөөрөл авах бөгөөд хамгийн гол нь ямар нэг ашиг, орлого олж болохгүй аж.
Германы BMW Хятадад автомат жолоодлоготой автомашин турших хамгийн анхны гадны компани болсон бөгөөд тэд энэ тухайд “Хятадын замын хөдөлгөөн дэлхий дээр хамгийн төвөгтэйд тооцогддог. Ийм ч учраас энд хийгдэх судалгаа, туршилт бидний ажилд их нэмэр болно” гэсэн байна.
О.Гоо-Оюун