Энэ 7 хоногийн эхээр ЭХЭМҮТ-д “Орчин үеийн дэвшилтэт нээлтүүд ба хүүхдийн мэс засал, мэдээгүйжүүлэг” олон улсын семинар боллоо. Аравдугаар сарын 8-9-ний өдөр болсон энэ семинарт Монголоос гадна ОХУ, АНУ-ын хүүхдийн мэс засал, мэдээгүйжүүлгийн эмч нар оролцож, эмчилгээний орчин үеийн арга туршлагаа хуваалцсан байна. АНУ-аас Кейра Мэйсон тэргүүтэй 12 анестезиологийн эмч мэргэжилтнүүд, ОХУ-ын нэрт мэс засалч Юрий Козлов тэргүүтэй гурван мэс засалч ирсэн бөгөөд мэс засалчид семинарын явцад зургаан өвчтөнд хүнд зэрэглэлийн мэс заслыг хамтарч хийсэн байна. Уг семинарт 150 гаруй эмч мэргэжилтэн хамрагдсан байна.
О.Гоо-Оюун
