“Эерэг өөрчлөлт – Залуучуудын оролцоо” сэдэвт телевизийн бүтээлийн уралдаан өнгөрсөн хоёр сарын хугцаанд зохион байгуулагдаж, шилдгүүдээ тодруулж байна.
Энэхүү уралдааны гол зорилго нь төрөөс залуучуудад үзүүлж буй үйлчилгээг сурталчлан таниулах, залуучуудыг эерэг хандлага, амьдралын зөв дадал, хэвшилд уриалах, хотын соёлыг түгээн дэлгэрүүлэх, хорт зуршлаас урьдчилан сэргийлэх, тэдний өмнө тулгамдаж буй асуудлын шийдлийг тодорхойлоход оролцоог нь хангахад чиглэсэн.
Өөрөөр хэлбэл өнөөгийн залуучууд аливаа нийгмийн асуудалд зөвхөн сөрөг талаас нь биш харин эерэг өөрчлөлтийг хийх талаас нь хандаж, санал бодлоо илэрхийлэх боломжийг олгосон нь уралдааны гол онцлог болж байв. Уралдааныг Нийслэлийн Гэр бүл, Хүүхэд, Залуучуудын газраас Хэвлэлийн Хүрээлэнтэй хамтран зохион байгуулж, шагнал гардуулах ёслол өнөөдөр боллоо.
Шүүгчдийн бүрэлдэхүүнд сэтгүүлч, сэтгүүл зүйн багш, хэвлэл мэдээллийн мэргэжилтнээс бүрдсэн баг ажиллаж, оролцогчдын бүтээлд хөндсөн асуудлын ач холбогдол, үр нөлөө, мэргэжлийн хэм хэмжээг үнэлж дараах гурван бүтээлийг шалгарууллаа.
“Эерэг өөрчлөлт” аяны хүрээнд зохион байгуулагдсан энэхүү уралдаан зургаан сая төгрөгийн шагналын сантай бөгөөд залуу сэтгүүлчдийг урамшуулах, залуусыг уриалж, эерэг хандлага, манлайллыг дэмжихэд чиглэсэн юм.
Тус уралдаан нь нийслэлийн “Залуучуудын амьдрах, сурч боловсрох, хөдөлмөрлөх таатай орчин бүрдсэн, хотын хөгжил, орчин, соёл, тохижилтод залуучууд манлайлсан хот болох” зорилтын хүрээнд хэрэгжиж, Шагнал гардуулах ёслолын ажиллагаанд оролцогчид “Эерэг өөрчлөлт” аяныг дэмжиж гарын үсэг цуглуулсан юм.
Нийслэлийн Гэр бүл, Хүүхэд, Залуучуудын газар
Монголын Хэвлэлийн Хүрээлэн”
