Амьд хүнийг
Араатан болгож хувиргадаг
Амсахад гашуун
Амьдралын садаа
Саруул ухааныг саармагжуулж
Сайхан бүхнээс нь холтгодог
Сархад нэртэй
Сүүнээс үнэтэй идээ
Дэвэн дэлхийн хаанаа ч орших
Дэв шингэсэн чөтгөрийн ундаа г
Дээдэлж юунд нь шүтнэ вэ
Дэргэдээ тавиад ууна вэ
Лонх дүүрэн шингэн харуусал
Лоозон юугаар өөрийгөө халхалж
Чиний ширээн дээр залрахдаа
Чимээгүй чамайг хорлож байгааг ухаараач тэнэгээ
Үнэр танар нь дийлдэхгүй
Үнэнч сайн анд чинь
Үр хүүхдээс чинь холтгож
Үхээрийн бузар даллаж байгааг ойлгооч малаа
Т.Хуншагай
