Нисэх онгоц жолоодох нь эрэгтэйчүүд давамгайлдаг орон зай хэвээр байна. 2019 онд ч гэсэн эмэгтэй нисгэгчид АНУ, Их Британийн арилжааны нисгэгчдийн дөнгөж 4.4 хувь буюу 6,994 орчим нь байгаа гэж Нисэхийн төвөөс мэдээлэв. Делта Бойнг 757 нислэгийн Ахмад Венди Рехон ба түүний охин Келли Рехон нар түүхэн дэх анхны ээж, охин онгоц жолоодлогын хос бөгөөд тэд хамтдаа худалдааны нислэг хийснээр дэлхий дахинаа үлгэр жишээ ээж охиноор өргөмжлөгдөөд байна. Харин манай улсад ч мөн аав хүү хоёр нисгэгч байгаа тэд бол “Боинг 767-300” агаарын хөлгийн ахмад Ж.Доржнамжил түүний хүү Д.Булганхангай юм. Гэхдээ аав хүү хоёр Рехон ба түүний охин Келли нар шиг ажил мэргэжилдээ үнэнч үлгэр жишээ болж чадаагүй нь харамсалтай. Улс орныхоо нэрийг өндөрт өргөн сайшуулах нь битгий хэл Герман улсын Берлин хотноо баярын хуралд оролцох үеэр мансууруулах бодис хэрэглэсэн нь тогтоогдон улсынхаа нэрийг хөөдөөд ирлээ.
Т.Хуншагай