Хуучин оноо үдэж шинэ онтойгоо золгоход ойртлоо. Ирэх ондоо амжилт бүтээлээр дүүрэн сэтгэл өөдрөг байхыг хүн бүхэн хүсдэг билээ. Харин та хүсэл мөрөөдөлдөө итгэж, таагүй зүйлсээ хуучин ондоо үлдээж чадвал хувь тавилан таныг шагнах болно. Таагүй зүйлс бүхэн сөрөг энергийг өөртөө татаж, азгүй явдлыг дууддаг. Тэр дундаа хэрэггүй хүмүүс ... хэрэггүй хүн гэж хэн бэ ? өөрт тань атаархдаг , үргэлж хэрэггүй юм ярьж явдаг, ямар нэгэн хүсэл мөрөөдөл, зорилгогүй , таныг хайрладаггүй, шаналгаж зовоодог нэрмээс болдог хүнийг хэлэх байхдаа... Гэхдээ хүн болгоны хувьд хэрэггүй хүн гэж өөр өөр байдаг байх. Хамгийн чухал нь та хэрэггүй хүмүүст алтан цаг хугацаагаа зарцуулахын оронд яг одоо тэднийг орхи. Өөрийнхөө төлөө хөдөлмөрлө сайхан хүмүүсээр хүрээлүүл, бодол сэтгэлээ цэгцэл. Шинэ оны шинэ амжилтыг гагцхүү та өөрөө бүтээж чадна. Танд амжилт хүсье.
Т.Хуншагай