Өнөөдөр хэцүү байгаа ч маргааш бүр ч хэцүү байж мэднэ. Тиймээс үргэлж сэтгэл зүйн дархлаатай бай гэдгийг тод харуулсан зохиол аж.
Асар их зовлон тарчлаан, хэмжээлшгүй их доромжлолыг даван туулах нь зүгээр нэг амьд байхад тэмүүлэх биш хожмын өдөр сэтгэл тэнэгэр хоромыг амсаж итгэл найдвар тээж явахад оршдог. Зовлонг туулсны дараах жаргал хамгийн амттай байдаг гэж бодогддог. Зовлон байдаг болохоор л жаргалыг мэдэрдэг. Бүх зүйлийн анхдагч нь зовлон. Яг л цагийн зүүг хөдөлгөх хөдөлгүүр мэт. Зовлонгоос зугтах тусам зовно. Зовлонтой эвлэрч болохгүй, тэмцэх хэрэгтэй. Тэмцэж байхдаа хувь тавилангаа харааж зүхсэн ч итгэлээ алдаж болохгүй. Бурхан гэж үгүй. Итгэл найдвар, тэмцэл л биднийг авардаг. Бүх зүйл улам сайжрах жамтай гэж өгүүлж байгаа нь гараа хумхиад суух биш, чи хичээвэл сайжрах жамтай гэдэг санааг өгүүлж. Заримдаа юуг ч мэдэхгүй өнгөрөөх нь биднийг тайван төлөвт үлдээдэг боловч бүхнийг мэдсэн ч тайван байна гэдэг тун гайхалтай юм.
Сэтгэлийн хүүрнэл клуб