Өдрийн мэнд!
Урьд шөнөжингөө сууж хятадын том том хэвлэл мэдээллүүдээр манай улсын Ерөнхийлөгчийн айлчлалын тухай шуугисан мэдээллүүд, хятадын ард түмний талархсан сэтгэгдлүүд, үзэл бодлыг уншлаа Үнэхээр сайхан санагдлаа. Хятадын ард түмэн биднийг илүү ойлгох, хүндлэх тэр алхмыг Ерөнхийлөгчийг тавьж өгчээ гэж бодлоо. Зарим нэг хүмүүсийн сэвээд байгаа шиг хэдэн зуун 1000, хэдэн сая сэтгэгдэл энэ тэр байгаагүй шүү. Зарим нь манай улсыг магтаж байхад, зарим нь шууд 2019 оны ДНБ-ээр нь тооцсон нарийвчлал, цаад локиг санааг нь эргэцүүлсэн, манай улсын тоо толгой малыг өөрсөдөд нь өгч буй 30.000 хоньтой хийсэн харьцуулалт, өөрийн улсад нь 1хонь=1800-2000¥ байдаг, эдийн засгийн өсөлт бууралт гээд маш олон #оюунлиг талаас харьцуулж бичсэн байсан.
Манайхан хэтэрхий дэвэргээд байна. Та бүхэнд өөрийн орчуулгаа хүргье!
"2 дугаар сарын 27-нд үдээс хойш, Хятад улсын удирдагч Ши Жин Пин Ардын Их Хурлын ордны танхимд Монгол улсын Ерөнхийлөгч Халтмаагийн Баттулгатай хэлэлцээр хийлээ. Хэлэлцээрийн дараа, Баттулга Ерөнхийлөгч Ши Жин Пин даргад 30.000 толгой хонь БНХАУ-д хандивлаж буй батламжийг гардуулан өглөө.
Ши жин пин: Монгол үндэстний уламжлалт баяр цагаан сарын амралтын дундуур анх удаа зочилж буйд тавтай морилно уу. БНХАУ-н ард иргэд аюулт тахалд нэрвэгдэж тэмцэлдэж буй энэ хүнд хэцүү цаг үед Монгол улсын ЗГ болон ард иргэд нь бидэнд чин сэтгэлийн тусламж хайр энэрлийг хүртээлээ. Энэ нь цаашлаад хоёр улсын хамтын ажиллагаанд хөгжлийн хүчтэй түлхэц болж өгнө. Та бол манай улсад тахал гарснаас хойш Азийн улс орнуудаас анх удаа айлчлаж буй Төрийн Тэргүүн боллоо. Болж буй энэхүү үйл явдал нь ирээдүйд хөрш орнуудын хүчийг зузаатгаж харилцааг чанга бэхжүүлэхэд оршино гэдэгт би итгэл дүүрэн байна. Мөн хөрш хоёр орон нь харилцан туслалцаж, жаргал зовлонгоо хуваалцаж ирснийг та бататгаж харууллаа" гэсэн юм
Мөн өөр хэвлэлд: "Шинэ төрлийн Коронавирус COVID-19 тэй эрчимтэй тэмцэж буй 1 сарын дараа Ерөнхийлөгч Халтмаа Баттулгын айлчлал хоёр дахь Төрийн Тэргүүний айлчлал боллоо. Эхнийх нь 2сарын 5-нд Камбож улсын Тэргүүн айлчлаж байсан. Мөн түүнчлэн...
Ойрын өдрүүдэд БНСУ-н нийгэмд Монгол улсын Ерөнхийлөгчийг магтан сайшаах нь олширчээ. Зурагт өгүүлснээр: - Мөнгө чухал биш, ард түмний амь нас нэн тэргүүнд, би солонгос хүмүүсийг хилээрээ нэвтрүүлэхийг хориглож байна...
Өмнөд солонгосын сайтуудад: Ямар азаар Монгол Улс ийм Ерөнхийлөгчтэй байдаг байна; Монгол Улс тийм ч баян биш гэхдээ тэд хятадад хандивын гараа сунгалаа; монголын ард түмэн үнэхээр зөв Ерөнхийлөгчөө сонгожээ." гэсэн байлаа.
Доорх сэтгэгдлүүд нь:
- Монгол бол тийм ч хөгжсөн улс биш, хятад улсыг хүнд хэцүү нөхцөлд Монгол улсын Ерөнхийлөгч сайхан сэтгэлээр тусламжийн гараа сунгалаа, манай ард иргэд туйлын их талархаж хоёр улсын эв найрамдал тэнгэр газар мэт бат оршихыг хүсч байна!
- Монголчууд үнэхээр энэрэнгүй юм, Их Монгол Улс урагш аа!
- Монгол үндэстэн болон Хятад үндэстний эв найрамдал үүрд мөнх бат оршиг!
- Монгол улс хэдийгээр сайн хөгжиж хүчирхэг болоогүй байгаа улс. Гэхдээ хятадын энэ хүнд тэмцлийн үеэр өөрсдийн боломж бололцоо, байгаа бүхнээрээ тусламж үзүүлсэн #хамгийн_эхний_улс боллоо. Үнэхээр агуу!
- Манай хятадын дотно хөрш, зовсон цагт минь ивээлээ үзүүллээ. Хоёр орны эв найрамдал уудам мэт хязгааргүй оршиг!
- Монгол улсын Ерөнхийлөгчөд талархал илэрхийлье!
- Энэ шүү дээ! Монгол хүн бол бурханлиг сэтгэлтэй.
- Яг одоо мэдээ үзэж байна. Их удирдагч маань Баттай гар барилаа. 30.000 толгой хонь, энэ бол үнэхээр чин сэтгэлийн тусламж байлаа!
- Монгол Улсын ард түмэн хотол олноороо мөнх наслаг! / Энэ хамгийн нүдэнд туссан. Баргийн хятад хүн бидэнд ингэж ерөөхгүй ххэ. Энэ нь маш хүндэтгэлийн хэллэг байгаа юм /
- Хятад Монгол бол харилцаа зузаан найрсаг хөршүүд, Ерөнхийлөгч Баттулга таны айлчлал манай ард түмэнд сэтгэгдэл төрүүллээ.
Хятадын хамгийн том хэвлэл "Ардын өдрийн сонин"- топ сэтгэгдлүүдээс:
- Өнөөдрийн мэдээг сонсоод би бүр ухан алдахаа дөхлөө, хэзээдээ ирчихсэн юм бэ? /14.4К /
- Хонинууд үнэхээр өхөөрдөм шүү /16.1К /
- Тэмцлийг намжтал, эмнэлгийн эмч ажилтнууддаа хонины сайхан мах идүүлж тэднийгээ сайн тордоод авъя. /12.4К /
- Энэ үнэхээр цагаа олсон үйл явдал боллоо, хятад монголын эв найрамдал мөнх оршиг! /7617 /
- Бидэнд бэлэглэж буй хонинууд юм чинь эмнэлгийн ажилтнууддаа ч бас өгч биеийг нь тэнхрүүлж болно гэсэн үг юм. /6775 /
- Энэ бол манай улсад өгч буй онцгой бүтээгдэхүүн байлаа. Монголын ард түмэнд гүнээ талархая /4345/
- Эдгээр хонинуудыг яаж хуваарилах юм бол? /4160/
- Хихи, энэ мэдээг уншаад үнэхээр хөөрхөн санагдлаа. Сэтгэл дулаацах шиг боллоо. /3782 /
- Хүнд хэцүү цагт минь халуун сэтгэлээ илгээлээ, Монгол улсдаа маш их баярлалаа / 2722/
- Монгол хүмүүс үнэхээр гайхалтай юм. Даанч энэ хонинуудыг яаж авчрах гэж байгаа юм бол? /21/
- Манай Их Гүрэн халуун сэтгэлд заавал хариу барьдаг! Та бүхэнд туйлын их баярлалаа! /12/
Мөн өөр нэг сайтын оруулсан хурганы бичлэгийн дор:
- Хонь ийм эгдүүтэй хөөрхөн байсан юм гэж үү? Хайр хүрч байна. Яаж ийм хөөрхөн амьтныг идэх юм бэ гэсэн сэтгэгдлүүд хэдэн 100-аараа байсан шүү
Өөр нэг сайтын дор:
- Монголчууд та бүхэн биднийг битгий үзэн ядаарай, бид одоо ямар байдалд орсныг та бүхэн маань маш сайн харсан байх /энэ сэтгэгдэл бас их нүдэнд туссан/
Гэх мэт цааш олон сэтгэгдлүүд байлаа
Орчуулсан: Г.Үйлстөгөлдөр