Манай улсад шинэ коронавирусийн анхны тохиолдол бүртгэгдсэнтэй холбоотойгоор Улаанбаатар хот руу орох, хотоос гарах хөдөлгөөнийг, аймаг сумаас гарах болон хот хоорондын зорчигч тээвэр, суудлын галт тэрэг, орон нутгийн хуваарьт нислэгийг өчигдрөөс зогсоосон. Хэдийгээр алба хаагчид цаг агаарын хүнд нөхцөлд ажиллаж байгаа ч иргэд шийдвэрийг дагаж, ямар нэг зөрчил гаргалгүй цагдаагийн алба хаагчдад дэм болж байгааг Тээврийн цагдаагийн албанаас мэдээллээ. Уг шийдвэр гуравдугаар сарын 16-ны 07:00 цаг хүртэл үргэлжлэх юм.