Барим тавим хувирсаар л буй нь хүн чанар бус уу,
Баян ч бус, хоосон ч бус мөн чанар минь хүн чанар!
О.Дашбалбар 1957 онд Сүхбаатар аймгийн Наран сумын нутагт төржээ. О.Дашбалбар нутагтаа бага дунд сургууль, Омскийн хөдөө аж ахуйн ТМС, Горькийн нэрэмжит утга зохиолын дээд сургууль төгсчээ. О.Дашбалбар 1985 оноос Монголын Зохиолчдын Эвлэлийн гадаад харилцааны мэргэжилтэн, “Утга зохиол урлаг” сонины ажилтан, 1990 оноос МҮЧЗЭ-ийг байгуулж, тэргүүлэгч даргаар нь ажиллаж байв. Тэрээр хүмүүний сэтгэлд орших хачин тэр эсрэгцэл, хайр, шаналал, зориг хатуужил, гуниг харуусал, гэгээг хүсэх хүмүүний гэгэлгэн сэтгэлийг дэгэлзүүлэгч сод их яруу найрагч билээ. Мөн тэрээр зүгээр ч нэг найраг ч явсангүй Монгол улсын шинэ үндсэн хуулийг батлалцсан АИХ-ын депутат байлаа. О.Дашбалбар Сүхбаатар аймгийн 63-р тойрогт УИХ-ын гишүүнээр сонгогдож, монголын парламентэд ард түмний дуу хоолойг илэрхийлж байлаа. Онцгой нэгний амьдрал удаан үргэлжилсэнгүй. О.Дашбалбар шүлгээ дэрлээд, гавьяагаа хойчид үлдээгээд идэр залуу 42 насандаа зуурдаар таалал төгссөн юм.
Т.Хуншагай