Булган аймгийн Хишиг өндөр сумын тавдугаар багийн хэсэгт иргэн А өөрийн эзэмшлийн оршин суух хашаандаа 269 ширхэг, иргэн Ө өөрийн эзэмшлийн авто граж дотроо 8 ширхэг бугын эврийг тус тус хадгалж байсныг тус аймгийн цагдаагийн газрын Экологийн асуудал хариуцсан алба хаагчид 2020 оны гуравдугаар сарын 31-ний өдөр хяналт шалгалтаар илрүүлжээ. Одоогоор бугын эвэрнүүдийг хураан авч, шинжилгээ дүгнэлт гаргуулахаар Булган аймгийн Байгаль орчин аялал жуулчлалын газарт хүргүүлэн шалгалтын ажиллагааг явуулж байна.
О.Гоо-Оюун