Өнөөдөр буюу /2020.04.04/ Билгийн тооллын 11, хаврын дунд шарагчин туулай сарын есөн улаан улаагчин үхэр өдөр Ханш нээж буй өдөр ичигсэд ичээнээсээ гарч, амьд байгалийн аливаа амьдрал сэргэдэг учиртай. Энэ өдөр Бурхан бологсодынхоо хойдод буян үйлдэж, ном хуруулснаар хийсэн буян арвижин дэлгэрэн эрүүл саруул эд баялгаар арвин байна гэж бэлэгшээдэг байна. Ханш нээх цагаар малчид морь, сувай гүүнийхээ дэлийг авч засахаас гадна дөрвөн настай хязаалан үрээг хөнгөлдөг. Тийм ч учраас унаганд нь уяашуулж, дааганд нь давтуул, шүдлэнд нь шүттүгэй, хязааланд нь хөнгөлж өднөөс хөнгөн сумнаас хурдан, хүлэг болтугай хэмээн ерөөдөг байна. Мөн хонь малынхаа хашаа хороог сэргээж, ямааныхаа ноолуурыг самнаж эхэлдэг ажээ.
Э.Сувдаа
