АВТОМАШИНЫ УТАА ЖИЛД ДӨРВӨН САЯ ХҮҮХДИЙГ БАГТРАА ӨВЧТЭЙ БОЛГОЖ БАЙНА

2020-09-19  

Агаарыг бохирдуулж буй хүчин зүйлсийн нэг бол яах аргагүй тээврийн хэрэгслээс ялгарч буй хорт утаа. Тээврийн хэрэгслээс ялгарч буй утаанаас болж манай дэлхий дээр жилд дөрвөн сая, хоногт 11,000 хүүхэд багтраа өвчин тусч байгааг Lancet Planetary Health сэтгүүлд нийтэлжээ.

Бага насны хүүхдүүд багтраагаар хамгийн их өвчилж буй газруудад агаарын бохирдол Дэлхийн эрүүл мэндийн байгууллагын аюулгүй гэж тогтоосон хэмжээнээс хэдийн хол давсан байна. Үүнээс харахад агаарын бохирдол та бидний бодож байснаас ч илүү хор хөнөөл дагуулж байна. Судлаачид Энэтхэг, Хятад улсуудад бохирдлоос болж эрүүл мэндээрээ хохирч буй хүүхдүүдийн тоог хязгаарлах аргагүй болсон гэжээ. Харин Их Британи, Австрали улсуудад багтраа өвчин тусч буй бага насны дөрвөн хүүхэд тутмын гурав нь тээврийн хэрэгслийн хорт утаанаас үүдэлтэй өвчилж байна.

Тээврийн хэрэгслийн утаанд хордож багтраагаар өвчилж буй хүүхдүүдийн тоогоор тэргүүлж буй 10 хот:

1 Перугийн нийслэл Лима

2 Хятадын Шанхай

3 Колумбын нийслэл Богота

4 Хятадын нийслэл Бээжин

5 Хятадын Тянжин

6 Канадын Торонто

7 Хятадын Шэнян

8 Америкийн Лос Анжелес

9 Америкийн Нью-Йорк

10 Филиппиний нийслэл Манила

Агаарыг хамгийн их бохирдуулдаг нитрогенийн диоксид дизель хөдөлгүүртэй тээврийн хэрэгслээс түлхүү ялгардаг. Тиймээс олон нийтийн тээврийн хэрэгслийг цахилгаан болгох, дугуй унах, алхах зэрэг эрүүл мэндэд тустай сонголтуудыг Засгийн газрууд дэмжих хэрэгтэй гэж зөвлөжээ. Дэлхийн эрүүл мэндийн салбарын эмч мэргэжилтнүүд бага насны хүүхдүүдийн дунд агаарын бохирдлоос тэр дундаа тээврийн хэрэгслийн утаанаас үүдэлтэй  багтраа өвчний тархалт нэн аюултай түвшинд хүрснийг сэрэмжлүүлж байна.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТОРГУУЛИА ТӨЛӨӨГҮЙ ТЭЭВРИЙН ХЭРЭГСЛИЙГ ЗАМЫН ХӨДӨЛГӨӨНД ОРОЛЦУУЛАХГҮЙ БАЙХ НЬ ЗӨВ ҮҮ?