ХААН Банк нийгмийн хариуцлага, тогтвортой хөгжлийн бодлогынхоо хүрээнд байгаль орчинд ээлтэй бизнесийг дэмжиж, “ногоон” тодотголтой бүтээгдэхүүн, үйлчилгээг харилцагчдадаа санал болгодог билээ. Энэ хүрээнд 2019 оноос БОАЖЯ болон Орчны бохирдлыг бууруулах үндэсний хороотой хамтарсан хөнгөлөлттэй нөхцөл бүхий “Ногоон зээл” олгож, агаар, хөрсний бохирдолтой тэмцэхэд өөрийн хувь нэмрийг оруулж байна.
Ногоон зээл гэхээр та зөвхөн цахилгаан халаагуур, дулаалгын материал, сайжруулсан зуух зэргээр л төсөөлж байгаа юм биш биз? Энэ жилээс бид “Ногоон зээл”-ээр худалдан авах боломжтой бүтээгдэхүүний нэр төрлийг нэмж, байгальд ээлтэй дараах шийдлээс сонголтоо хийх боломж олгоод байна. Тухайлбал:
Хөнгөлөлттэй “Ногоон зээл”-ийн хүүнд төрөөс тодорхой хувийн хөнгөлөлт үзүүлж, улсын төсвөөс санхүүжүүлснээр иргэд маш хямд нөхцөлөөр буюу жилийн 8 хувийн хүүтэйгээр энэхүү зээлийг авах боломжтой гэдгээрээ онцлог. Монгол гэр болон, байшинд зориулсан төхөөрөмж авах эсэхээс шалтгаалж иргэдэд 40 сая төгрөг хүртэл хэмжээтэй, 30 сарын хугацаатай зээл олгож буй.
Зээлдэгчид тавигдах шалгуурын хувьд банкны үндсэн шаардлагуудаас гадна ХААН Банктай хамтран ажилладаг 40 гаруй бэлтгэн нийлүүлэгч аж ахуйн нэгжээс бүтээгдэхүүнээ сонгосон байх шаардлагатай юм. Ташрамд дуулгахад, дээрх чиглэлээр бүтээгдэхүүн, үйлчилгээ нийлүүлдэг аж ахуйн нэгжүүдтэй ХААН Банк хамтран ажиллахад үргэлж нээлттэйг дуулгахад таатай байна.
Хөнгөлөлттэй “Ногоон зээл”-тэй холбоотой илүү дэлгэрэнгүй мэдээллийг ЭНД дарж авна уу.
Эрхэм харилцагч та тус зээлд хамрагдахыг хүсвэл бичиг баримтаа бүрдүүлэн өөрт ойр байрлах ХААН Банкны салбар тооцооны төвд хандаарай.
ХААН Банкийг сонгон үйлчлүүлдэг эрхэм харилцагч танд баярлалаа
