Ирэх сарын 4-нд "Автомашингүй өдөр”-ийг зохион байгуулах юм. Энэхүү арга хэмжээний үеэр "Тэрэгтэй парад 2016" тайван жагсаал зохион байгуулагдах гэж байна.
Машины дуут дохио (сигнал) хүүхэд айлгаж, хүүхдээ тэрэгтэй нь түрээд явахад тохиромжтой бартаа саадгүй, цэвэр цэмцгэр зам, талбай хангалтгүй гээд олон бэрхшээлийг энд дурдаж болно. Тиймээс энэ жагсаалын гол зорилго нь эрүүл, аюулгүй орчинд амьдрах эрхээ шаардаж, үүнийгээ тайван жагсаалаар хүргэхэд орших байгаа ажээ.
Гурав дахь жилдээ уламжлал болгон зохион байгуулагдаж буй “Тэрэгтэй парад 2016” арга хэмжээ 11 цагт эхлэх бөгөөд зүүн 4 замаас баруун 4 зам хүртэл автомашины замаар алхах юм байна.
А.САЯН