.jpg)
УИХ болон Аймаг, нийслэлийн ИТХ-ын сонгуулийн үеэр хэвлэл мэдээллийн байгууллагууд хэрхэн ажиллах, сурталчилгааг хэрхэн явуулах талаар СЕХ-ноос сэтгүүлчдэд сургалт явууллаа.
Радио, телевизийн сонгуулийн сурталчилгаа нэвтрүүлэх хугацаа нь хоногт 60 минутаас хэтрэхгүй байх, нэр дэвшигч дагнасан сурталчилгааг хоногт 15 минутаас хэтрүүлэхгүй, Мэтгэлцээнийг нэг нам, эвслийн бус хэд хэдэн нэр дэвшигч, бие даагчаас 4-өөс доошгүйг хамруулан явуулах, Цаг үеийн шинжтэй үйл явдлын мэдээ мэдээлэл, боловсролын болон хүүхдийн нэвтрүүлгийн дундуур сонгуулийн сурталчилгаа явуулахгүй байх, Сонгогчдын боловсролд зориулсан нэвтрүүлэг, мэдээллийг бэлтгэн явуулах, Сонгуулийн хууль болон бусад хууль тогтоомж зөрчсөн нэвтрүүлэг, мэдээллийг бэлтгэн гаргахыг хориглоно гэх мэт зохицуулалтыг тусгаж өгчээ.
Цахим сайтуудын хувьд зөвхөн нэр дэвшигчийн болон нам эвслийн уриа, лого бүхий баннерыг холбоос болгож байршуулах юм. Өөрөөр хэлбэл нэр дэвшигч нь сонгуулийн сурталчилгаа явуулах өөрийн сайт-тай байх бөгөөд бусад сайтууд зөвхөн холбоос байрлуулах эрхтэй юм байна. Харин сонин хэвлэлд нэг нэр дэвшигч А4-ийн 8 нүүрээс илүүгүй сонин, сэтгүүл бэлтгэн гаргах эрхтэй болж байна.
А.САЯН
