Шанхай хот. Хятадын бизнес хөгжлийн тэргүүлэх хот. Газар дороо баялаг байхгүй. Худалдчих нүүрс, зарчих алтны аль нь ч энд байхгүй. Гэхдээ л Хятаддаа төдийгүй, дэлхийд хамгийн түргэн хөгжиж буй хот. Хүн ам 20 сая. Өдөртөө 4 сая хүн орж гардаг энэ хотын иргэд дор бүрнээ л бизнес эрхэлнэ. Бидний харж буй, бичлэг хийж хүмүүс бол ердийн нэг худалдаачид. Тэдний нэг бараа бол олсон боов юм. 168 юаны үнэтэй энэ боовыг хүмүүс ихээхэн худалдан авч буй нь сонирхол татсан юм. Тэд нууцалж байсан ч, хүлээж байгаад бичлэгийг хийлээ. Энэ бол ургамлын тос, зөгийн бал, чихрийг найруулаад, түүнийгээ царцааж, дараа нь илдэж, түүнийгээ татсанаар ийн олс хэлбэрт оруулж байхыг дурандаа буулгалаа. Бидний багийг удирдаж явсан, Бүх Хятадын Сэтгүүлчдийн Байгууллагын гадаад харилцааны дарга Фаны хэлснээр энэ олсон боовыг хятадууд цай уух зуураа идэх дуртай гэнэ. Нэг ажигласан зүйл бол, манайхан наймаачид болсон бол, хятадууд үйлдвэрлэгчээрээ үлдсэн нь анхаарал татлаа. Хөдөлмөрөө хэрхэн хоршиж байгааг харахад, тусгах авах зүйл их байлаа. Чаддаг чаддаг зүйлээ хийнэ гэдэг энэ ажээ.
Ц.ЭНХБАТ, Ц.ШАРАВДОРЖ нар, Шанхай хот, 2016 оны 5-р сар.