Уурхайн ашиглалтын технологи инженер, Техникийн ухааны магистр Цэндийн Энхболд төрийн дээд одон медаль Хөдөлмөрийн гавъяаны улаан тугийн одонгоор энгэрээ мялаалаа. Цэндийн Энхболд нь салбартаа тасралтгүй 30 гаруй жил ажиллаж уул уурхайн салбарын хөгжил цэцэглэлтэд үнэтэй хувь нэмрээ оруулсан нэгэн юм.
Цэндийн Энхболд нь Эрхүү хотын Политехникийн дээд сургуулийг Уурхайн ашиглалтын технологи инженер мэргэжлээр төгсөж 1981-1982 онд Хар Айрагийн жоншны уурхайд мастераар, 1983-1992 онуудад Уул уурхайн хүрээлэнд ЭША, дэд захирал, 1993-1996 онд ХААҮЯ-ны Уул уурхайн хэлтсийн дарга түүнчлэн АМХЭГ-ын Уул уурхайн албаны захирал, ҮХЯ-ны ГУУГ-ын орлогч дарга, МАК ХХК-д Төлөвлөлт эдийн засаг, судалгаа, хөгжлийн асуудал эрхэлсэн дэд ерөнхийлөгч зэрэг төр, хувийн хэвшилд эзэмшсэн мэргэжлээрээ ажиллаж салбартаа үнэтэй хувь нэмэр оруулж яваа сэхээтнүүдийг нэг.
Л.ГАНТУЯА