-Урд, хойд хөрш маань Монгол Улсыг дэмжихгүй байгаа. Ядахад, бидний гуравдагч хөрш гэж ярих нь хөршүүдэд таалагддаггүй. Тэд бидний сонгоод буй АНУ-ын эсрэг бодлого баримталдаг. Урд, хойд хоёр хөрш маань нэгэнтээ холбогдчихлоо. Тиймээс бид туйлын нухацтай бодлого явуулах шаардлагатай. Өнөөдөр ОХУ шатахуунаа хаалаа. Маргааш Хятад улс хилээ, нүүрс тээвэрлэж буй төмөр замаа хаавал яах болж байна гэж Ж.Баясах багш хэллээ. Монгол улсын ерөнхийлөгч Хүрэлсүх, УИХ-ын дарга Занданшатар, Гадаад хэргийн сайд Батцэцэгийг АНУ-руу айлчилсан тэр өдөр л Оросын зүгээс шатахуун нийлүүлэхээ зогсоосон албан тоот ирүүлж, Монгол даяар шатахууны хомсдолд орсон. Учир нь Монгол улс шатахууны 95 хувийг ОХУ-аас авдаг, хараат улс юм гэдгийг мэдрүүллээ. Ц.БАТ-ЭНХ