Ингэж гаднын хэвлэлд Жон Керригийн хийсэн айлчлалыг товчхон мэдээлжээ. АНУ-ын төрийн нарийн бичгийн дарга Жон Керри айлчлалынхаа хүрээнд Монголын гадаад хэргийн сайд Л.Пүрэвсүрэн, ерөнхийлөгч Ц.Элбэгдорж нартай уулзаж, хоёр орны улс төр, эдийн засгийн харилцааны талаар хэлэлцээ хийсэн байна. Пүрэвсүрэн сайд АНУ-ыг зорих Монголын иргэдэд тавьдаг визийн шаардлагыг хөнгөвчлөхийг АНУ-ын Засгийн газраас хүсчээ.
Жон Керри Монгол улсын ерөнхийлөгч Ц.Элбэгдоржид бараалхсан байна. Энэ айлчлал нь хоёр улсын хамтын ажиллагааг өргөжүүлнэ гэж найдаж байна гэж хэлснийг Синьхуа агентлаг мэдээлжээ. Монголчуудын хувьд Жон Керригийн айлчлал нь УИХ-ын ээлжит сонгуулийн өмнө болж буй гэдгээрээ онцлог байлаа. Улс төрийн чиглэл курсийн талаар Керри болон Элбэгдоржийн хооронд ямар яриа өрнөсөн нь сонирхол татах зүйл юм .
Д.ГАНТУЛГА