Бутан улсын ЭМЯ-ны нарийн бичгийн дарга доктор Доржи Ванжчук, АШУИС-ийн Уламжлал Анагаах ухааны тэнхимийн эрхлэгч Доржээ Шеринж, Уламжлал Анагаах ухааны хөтөлбөрийн орлогч, мэргэжилтэн Сонам Занжро, Бутаны Эрүүл мэнд болон эмнэлгийн албаны зөвлөлийн эрхлэгч Нима Санжая, Бутан улсын Кесар Жиалдогийн Анагаахын Шинжлэх Ухааны Их Сургуулийн захирал доктор Таши Тобжай нар АШУҮИС-д зочилон хамтын ажиллагааг хөгжүүлэх гэрээг АШУҮИС-ийн захирал АУ-ны академич доктор профессор Г.Батбаатартай хийлээ.
Тус гэрээнд оюутан солилцоо, хамтарсан төсөл боловсруулж хамтын ажиллагааг хөгжүүлэх, мэргэжлийн түвшинд зохиох семинар, зөвлөгөөн, эрдэм шинжилгээний хурал чуулганыг хамтран хийх, туршлага солилцох, магистрын сургалтыг явуулах, зэрэг асуудлыг энэхүү гэрээнд тусгалаа.
Мөн төлөөлөгчид ДЭМБ-ын хамтын ажиллагааны төвтэй танилцаж хамтран ажиллах талаар ярьж тохиролцлоо.
Л.ГАНТУЯА