Монголын баялгыг 20 гэр бүл авсан гэдэг шиг энэ удаагийн Парламентыг хэдхэн хүний гэр бүл, аав ээж, ах дүү, хамаатан садангууд бүрдүүлэх гээд байна уу?
Улс төрд л орохгүй бол бизнес нь урагшгүй болох гээд байгаа улайрсан хүмүүс дотроос бид сонголтоо хийх болоод байна гэж дүгнэхэд ойрхон болжээ.
УИХ-ын гишүүн асан, Ард түмнээ хайрлая намын дарга Л.Гүндалай Баянзүрх дүүргийн 51 дүгээр тойрогт нэр дэвшлээ. Л.Гүндалайгийн хувьд Эрүүл мэндийн сайдаар хүртэл томилогдож Бэлгэвчэн дотор өөрийгөө хийж рекламдаж явсан эр. Орхончуудыг “ Чадахгүй бол Чацага царайлцгаа “ гээд хэлчихсэн хүн өөрөө очиход нүүр халуун тул эхнэрээ сойж , өөрөө зайлав бололтой.
“Үндэсний цэцэрлэгт хүрээлэн”-гийн гэх тодотголтой Сарангэрэл Баянзүрх дүүрэгт МАН-аас, түүний төрсөн дүү “Мон-Уран”-ы Б.Наранхүү АН-аас Дундговь аймагт тус тус нэр дэвшив. байна. Б.Наранхүүг Шарга азарганы эзэн уяач гэдгээр нь монголчууд мэдэх юм. Өөр нэг ах дүү бол Ховд нутгийн баз хүргэчүүл болох УИХ-ын гишүүн С.Бямбацогт, Д.Батцогт нар юм. Тэд дахиад дэвшсэн боловч , өөр хоорондоо таарлаа. Өөр хоорондоо таарсан төрсөн ах дүү бас гарлаа.Энэ бол Н.Шинэнсамбуугийн хөвгүүд болох Ш.Сайхансамбуу, түүний төрсөн дүү Ш.Батсамбуу нар Завхан аймгийн нэг тойрогт үзэх боллоо.
Будилж төөрсөн С.Ганбаатар “Эх орончдын нэгдсэн эвсэл”-ээс Дархан-Уул аймгийн 43 дугаар тойрогт нэр дэвшиж байгаа бол төрсөн дүү С.Гантуяа нь БЗД-т бие даан нэр дэвшиж байна. Мөн Ерөнхий сайд асан Д.Бямбасүрэнгийн хүү, охин хоёр мөн энэ удаагийн сонгуульд нэр дэвшиж байгаа сонирхолтой мэдээлэл байна. Б.Хүдэр-Ян Тусгаар тогтнол эв нэгдлийн намаас Хэнтий аймагт Б.Гарамгайбаатартай “үзэлцэх”-ээр болжээ. Харин дүү Б.Энхбайгаль нь Төв аймгийн 28 дугаар тойргоос АН-аас нэр дэвшиж байгаа юм. Олны онцлох нэр дэвшигчээр яригдаж байгаа Монгол Улсын гурав дахь Ерөнхийлөгч, МАХН-ын дарга Н.Энхбаярын эхнэр О.Цолмон Сонгинохайрхан дүүргийн 75 дугаар тойрогт нэр дэвшиж байгаа.
Ах дүү хамаатан саднаараа нэр дэвшиж байгаа хүмүүсийг ажаад байх нь дандаа хоёр өөр намаас, эсвэл аль нэг нь бие дааж байгаа нь ажиглагдлаа.
Л.ГАНТУЯА
