Украйны тусгай ажиллагаанд зориулж 300 мянган цэрэг эрсийг дайчлах зарлигийг ОХУ -ын ерөнхийлөгч В.Путин буулгасан. Дайчилгааны цэргийг дор хаяж 30 хоног сургалтанд хамруулж, дараа нь Украйн луу илгээх юм. Харин энэ шийдвэрийг Оросын жирийн эхчүүд эсэргүүцсэн ч, дуугарч чадахгүй байна. Гэхдээ эсэргүүцлээ далдуур илэрхийлж, ялангуяа Буриад эцэг эхчүүд хөвгүүдээ Монгол руу хэдэн зуугаар нь илгээлээ. Тэгснээрээ зарлигаас зугтаалгаж, хүүгийнхээ амийг аварч чадна гэж тэд үзэж байна. " Оюутнуудыг цэрэг дайчилгаанд хамруулахгүй" гэж Шойгу сайдын үгийг дөрөөлж, Монголын Их, Дээд сургуулиудад хөвгүүдээ сургах арга саамыг эрэлхийлж байна. Өмнө нь, Афганистаны " дайнд" Туркмен, Кыргыз, Казах, Буриад зэрэг бага ястнууд хэдэн зуун мянгаараа амь насаа алдаж, хүйтэн дайны золиос болсон. Тэгвэл энэ удаа ч, Оросын Их Гүрний бодлогоор хамгийн түрүүнд бага ястнуудаа золих нь тодорхой аж. Энэ удаад жирийн эхчүүдийн хөвгүүдээ аврах эцсийн арга зам нь хил давуулан зугтаалгах болжээ.
А.Энэрэл