​Л.ОЮУН-ЭРДЭНЭ ИХ “ТЭНЭГ” ХҮН ҮҮ, ЭХ ОРОНЧ ХҮН ҮҮ?

2022-11-23  

Ерөнхий сайд Л.Оюун-Эрдэнийн үйл хөдлөл улс төрийн бүлэглэлүүдийн дургүйг ихэд хүргэж байгаа сурагтай. Тэрбээр хамгийн сүүлд нүүрсний хулгайг гаргаж ирсэн. Үүгээрээ ч өөртөө их олон дайсан дуудав бололтой. Түүнийг ажиглаад байхад их “тэнэг” хүн юм. Нэг бол үнэхээр эх оронч хүн юм уу гэмээр. Аль нь ч байсан эхлүүлсэн үйл хэргийнхээ дундаас битгий л буцаж, няцаасай. Энэ чигтээ зүтгээд эцсийнх нь үр дүнг үзээсэй дээ. Ард түмэн түүнээс үүнийг л хүсч байгаа. Хэрэв мань эр эхлүүлсэн ажлынхаа ард гарч чадвал Монголд байхгүй шударга улстөрч болно. Энэ тухай бид өмнө ч бичиж байсан.

Л.Оюун-Эрдэнийн барьж авсан ажлуудын түүхийг харахад эргэж буцахааргүй л санагдаад байгаа юм. Дандаа л нийгэмд шуугиан тарьсан төрийн том, том луйвар хулгайн хэргүүдтэй зоригтой тэмцэж чаддаг. “Эрдэнэт”-ийн 49 хувийг Монголдоо авчрахад ихээхэн үүрэг гүйцэтгэсэн хүн бол яах аргагүй Л.Оюун-Эрдэнэ. Хөгжлийн банкны хэргийг ил болгож, улсаа мөлжсөн эрхтэн дархтануудыг зарласан гавьяа мөн л Засгийн газарт харьяалагдана. Хариуцлага нэхэж, шорон гянданд хориод эхлэнгүүт ганцхан өдрийн дотор өчнөөн тэрбумаар нь өр зээлээ төлчих жишээний. Энэ бол өнөөгийн Засгийн газрын зангараг. Үүгээр зогсохгүй Монгол Улсын үндэсний аюулгүй байдалд заналхийсэн стратегийн бүтээн байгуулалтыг зогсоосон хүмүүст хариуцлага үүрүүлж, алдагдсан боломжийн өртгийг төлүүлнэ гэдгээ ч зарласан. Түүний зоримог тэмцэл төмөр зам, нүүрсний хулгайгаар үргэлжилж байна. Дээрээс нь монголчуудыг тэжээж байгаа Оюу толгойн бүтээн байгуулалтыг байнгын ажиллагаатай болгоход анхны тэсэлгээг эхлүүлж, хөрөнгө оруулагч талыг буулгаж авч чадсан. Монголын талын төлөх ёстой байсан олон тэрбумын өрийг тэглэх тал дээр маш сайн тохиролцоо хийсэн гавьяа түүнд бий. Ер нь Оюу толгойн төсөл хэрэгжсэн олон жилийн түүхэнд ийм амжилттай хэлцэл тохироо хийгдэж байгаагүй гэдгийг эдийн засагчид сайшаах юм билээ.

Энэ Засгийн газрын зориг, зорилго зэргээс харахад Л.Оюун-Эрдэнэ эргэж буцахааргүй л “муйхар” эр бололтой. Тэрбээр залуу хүний хувьд үе, үеийн Ерөнхий сайд нарын түүхэнд байгаагүйгээр зангарагтай ажиллаж чадаж байна. Түүний энэ чанар эцсийн дүндээ ард түмэнд л хэрэгтэй. Нүүрсний хулгайгаар замхарсан тэр их мөнгийг төсөвтөө оруулж ирж чадаж, хийж хэрэгжүүлэхээр зүтгэж буй түүний бодлогыг шүүмжлээд байх юм алга. Тэгээд ч ард түмэн Ерөнхий сайдыг эхлүүлсэн ажлынхаа эцсийг үзнэ гэдэгт итгэж байгаа. Цаг нь болохоор нүүрсний хулгайн цаад эздийн нэрсийг зарлах биз ээ.

Эх сурвалж: Өдрийн сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ХАНШИЙН ЗӨРҮҮ ТАНД ХЭР ЗЭРЭГ ДАРАМТ БОЛЖ БАЙНА ВЭ?