Баянгол дүүргийн хүүхэд, гэр бүл хөгжлийн ордон өнөөдөр нээлтээ хийлээ. Тус ордон ашиглалтад орсноор залуу гэр бүлүүдийг харилцааны сургалт, сэтгэл зүйн зөвлөгөө мэдээллээр бүрэн хангаж, шинэ төрсөн хүүхдийн төрсний гэрчилгээ, 16 насанд хүрч буй залуучуудад иргэний үнэмлэхийг гардуулан өгөх, залуу гэр бүлийн гэрлэх ёслолыг зохион байгуулах юм.
Мөн ахмад гэр бүлийн бахархлын хүндэтгэлийн ёслол, хүүхэд залуучуудад чиглэсэн үйл ажиллагааг Баянгол дүүргийн нутаг дэвсгэрийн хүрээнд тогтмол явуулж байх юм байна. Хүүхэд гэр бүлийн хөгжлийн ордонд залуу гэр бүл, өсвөр үе, залуучуудад зориулсан зөвлөгөө өгөх мэдээллийн төв, бүрэн сийлбэртэй 12 ханатай ёслолын өргөө болон дүүргийн хүүхэд гэр бүлийн хөгжлийн хэлтэс байрлан үйл ажиллагаа явуулах юм.
А.САЯН