Хамгийн их унацтай наймаанд тамхи ордог. Манай дипломат албаныхан удаа дараа энэ асуудалд орооцолдож байсан. Зарим элчин сайд ч орооцолдсон мэдээлэл бас бий. Тэгвэл, манайхан сургамж аваагүй хэвээрээ ажээ. Унгарын хил дээр дипломат шуудан тээвэрлэж явсан Унгарт суугаа Монголын дипломат албаны ажилтныг саатуулсан байна. Ихээхэн хэмжээний тамхи тээвэрлэж явсныг гаалийнхан илрүүлж, зарлалаа. Дипломат ачааг нээдэггүй олон улсын хэлэлцээр байдаг. Үр дагавар нь маш их хохиролтой тул дипломат ачааг ногоон гэрлээр гаргадаг уламжлалтай.
Гэвч Унгарын гаалийнхан эрсдэлээс айсангүй. Тэд итгэлтэйгээр, Монголын дипломат барааг задаллаа. Харамсалтай нь, хайрцаг савыг задалтал, дипломат бараа биш, наймаалах зориулалт бүхий тамхи илэрлээ. Монголын дипломатчид их унацтай болох тамхины наймаагаа үргэлжлүүлсээр байгаа нь ийнхүү Украины гаалийнхны хараанаас мултарсангүй. Тамхины наймаачин-дипломатууд гэсэн нэр хаягийг Монголчууд дахин баталгаажуулав. Тэдэнд таван төгрөг хэрэгтэй болохоос Монгол улсын нэр төр хамаагүй ажээ. Тамхины наймаачдыг эргүүлэн татъя, ерөнхийлөгч өө.
Л.ГАНТУЯА
