Саналын хуудас хэвлүүлэх, санал тоолох техник төхөөрөмж шалган баталгаажуулах ажил дууссан билээ. Өнөөдрийн байдлаар, бүх аймагт саналын хуудас, санал тоолох техник төхөөрөмж тус тус хүргэгдээд байна. Нийслэлийн дүүргүүдэд тэдгээрийг тээвэрлэн хүргэх ажил ойрын өдрүүдэд дуусна. Ийнхүү саналын хуудас хэвлэх, хүлээлцэх болон санал тоолох техник төхөөрөмжийг нэгбүрчлэн шалгаж баталгаажуулахаас эхлээд тэдгээрийг тээвэрлэн хүргэх ажил хэвийн явагдаж дуусаж байна гэж СЕХ-ны хэвлэл, мэдээллийн төлөөлөгч мэдээлэв.
