Нэгэн зарыг УИХ-ын сонгуульд нэр дэвшиж эх орныхоо дөрвөн зүг найман зовхист иргэн бүртэйгээ нүүр тулан уулзаж яваа нэр дэвшигч гишүүддээ хандан гаргаж байна. Яг нэг сарын өмнө буюу 5 сарын 22-ын өдөр чуулганыг бүтэн сараар завсарлуулах шийдвэрийг их хурлын дарга бүрэн эрхийнхээ хүрээнд гаргасан. Энэ хугацаа өчигдөр дууссан. Тухайн үед чуулганаар өршөөлийн тухай хуульд нэмэлт өөрчлөлт оруулах, АТГ-ын даргыг томилох гээд хэд хэдэн хуулийн төслийг хэлэлцэх байсан. Чуулганы завсарлага дуусаж маргааш товлогдоод байгаа нэгдсэн чуулгандаа сонгуулийн сурталчилгаа хийж яваа гишүүд бүрэн ирж ирцээ бүрдүүлэх эсэх нь эргэлзээтэй байна. Иргэн бүртэй нүүр тулан уулзаж их амлалт өгч яваа гишүүд энэ удаа ажилдаа ямар ач холбогдол өгдгийг маргаашийн чуулганы ирцээс нэг харъя.
Л.ГАНТУЯА
