Завхан аймгийн Идэр сумын “Идэр”-ийн голоор Швейцарийн холбооны улсын иргэн Б /69 настай, эрэгтэй/ тавдугаар сарын 24-ны өдөр завьтай аялалд гараад, хамгийн сүүлд Хөвсгөл аймгийн Төмөрбулаг сумын Олон голын бэлчир гэдэг газар Сэлэнгэ мөрөнд энэ сарын 10-ны өдөр явж байснаас хойш сураггүй болжээ.
Одоогоор Хөвсгөл, Булган аймгийн Онцгой байдлынхан эрэн хайх ажиллагааг зогсоож Сэлэнгэ аймгийн Онцгой байдлынхан хайж эхэлжээ. Тэрээр Завхан аймгийн Идэрийн голоос 20 хоног завьтай аялал хийж, Сэлэнгэ аймгийн Сүхбаатар сумын нутагт ирэх төлөвлөгөөтэй байсан байна. Түүнийг алга болсон мэдээллийг ар гэрийнхэнд нь хүргүүлжээ.
А.САЯН
