.JPG)
Монгол Улсын иргэдэд эзэмшүүлсэн “Эрдэнэс Тавантолгой” ХК дахь өөрийн эзэмшлийн хувьцаагаа худалдах хүсэлт гаргасан иргэний эзэмшиж байгаа 1072 хувьцааны 30 хувьтай тэнцэх буюу 323 ширхэг хувьцааг нэрлэсэн үнээр нь иргэдээс худалдаж авах шийдвэрийг Засгийн газрын хуралдаанаас гаргасан.
Үүний дагуу энэ сарын 13-наас эхлэн хувьцаагаа худалдах хүсэлтийг арилжааны банкууд хүлээн авч эхлээд, эхний ээлжийн 100 мянган төгрөг иргэдийн дансанд орсон. Тэгвэл эхний долоо хоногийн даваа, мягмар гаригуудад хүсэлт гаргасан иргэд энэ өдрүүдэд хоёр дахь ээлжийн 100 мянган төгрөгөө авч эхлээд байна. Харин үлдсэн мөнгийг Улсын баяр наадмаас өмнө дансанд нь байршуулах юм. Одоогийн байдлаар хувьцаагаа зарах боломжтой 1.657.000 иргэн байгаагаас 1.3 сая орчим нь зарах хүсэлтээ албан ёсоор гаргасан байна.
А.САЯН
