Монгол Орос хоёр улсын хувь нийлүүлсэн "Эрдэнэт" үйлдвэр 100 хувь Монгол улсын үндэсний үйлдвэр боллоо гэдгийг Ерөнхий сайд Ч. Сайханбилэг албан ёсоор мэдэгдлээ. Шийдлийн засгийн газар эх өрийг эцэслэн дуусгасны зэрэгцээ "Эрдэнэт" үйлдвэрийн Оросын талын эзэмшилд байсан 49 хувийг Монгол улсын компани эзэмших болж байна. 49 хувийг эзэмших Монголын компани зарахаар бол зөвхөн Монгол Улсын Засгийн газарт зарна гэсэн хатуу заалтыг мөн тусгасан байна.
Ийнхүү Эрдэнэт үйлдвэрийн 49 хувийг дагаад бүх барилга байгууламж, Монголросцветмент үйлдвэр ч 100 хувь Монголын эзэмшилд шилжиж байна. 6-р сарын 30-ны өдрөөс Монгол Орос хоёр талаас албан ёсоор байр сууриа илэрхийлэн дээрх асуудлыг УИХ-ын чуулганаар оруулан хэлэлцүүлэн эцэслэн шийдвэрлэнэ гэдгийг Ерөнхий сайд Ч.Сайханбилэг албан ёсоор мэдэгдлээ.
Өнөөдрийн байдлаар Эрдэнэт үйлдвэрийн үйл ажиллагаа ямар нэгэн саадгүй хэвийн явагдаж байгаа бөгөөд данс хаагдсан тамга тэмдгийг хураасан асуудал огт гараагүй гэдгийг хэллээ.
Л.ГАНТУЯА