Монгол улс төрийн дээд байгууллага УИХ-аа 7 дахь удаагаа сонгож байна. Ардчилсан гэх анхны сонгуулийг 1992 онд хийхэд ердөө л 21 сая төгрөг зарцуулж байсан бол 2012 оны сонгуулиар 16,8 тэрбум төгрөг зарцуулсан дүн гарсан.
Сонгуулийн зардал жилээс жилд маш хурдтайгаар өссөнийг харвал :
1996 онд 10, 2000 онд 20 , 2004 онд 30 , 2008 онд 300 дахин тус тус өсөж, 2012, 2016 оны сонгуулиар энэ дүн 1000 дахин өссөн байна. Энэ бол СЕХ-нд тайлагнасан тоо. Цаана нь далдалсан байдаг гэж ажиглагчид дүгнэдэг.
Энэ дүнгээс харвал, Монголчууд сонгуулийг мөнгөөр "хийдэг" болсон гэж дүгнэхэд хүргэж байна. Улс төрд хаях улс төрчдийн мөнгө хэзээнээс их өсөө вэ? гэвэл 2004-2008 оныг онцолж болохоор байх юм. Энэ үед улс төрчид ихээхэн чинээлэг болсон нь ажиглагдана. Тиймээс 2008 оны сонгуулийн зардлын хэмжээ 1992 оныхтой харьцуулбал 300 дахин өссөн байна.
Э.ЦЭНД