Улаанбаатар хотын захирагч, Нийслэлийн АН-ын дарга Э.Бат-Үүл мэдээлэл хийлээ. Тэрээр сонгуулийн үйл явцыг технологийн дэвшил ашиглан иргэдэд итгэл үнэмшил төрүүлэхээр хийсэнд, Нийслэлийн сонгуулийн хороонд талархал илэрхийлсэн юм.
Энэ удаагийн сонгууль нийслэлийн АН-ын хувьд “цунами” шиг гэнэтийн зүйл байсан гэдгийг тодотгоод Нийслэлийн АН-аас өнгөрсөн 4 жилд хийж хэрэгжүүлсэн ажлыг ирэх жилүүдэд үргэлжлүүлэн хийхийг захилаа. Тухайлбал, Гэр хорооллын дахин төлөвлөлт, “Найрсаг Улаанбаатар”, “Сайн хашаа” хөтөлбөр, даншиг наадам гээд зогсоож болохгүй, улс төржүүлж болохгүй санаа зовоож байгаа олон ажил байна гэсэн юм. Намын даргаасаа чөлөөлөгдөх хүсэлтээ гаргана гэдгээ мөн энэ үеэр мэдэгдлээ.
НИТХ-ын сонгуульд МАН 34, АН 11 суудал авч 45 суудлыг бүрдүүлээд байгаа билээ.
А.САЯН