УИХ-ын гишүүн Х.Болорчулуун 14-р тойрог буюу Дорнод аймагт нэр дэвшсэн. Түүнийг сонгуулийн тухай хууль зөрчсөн гэж анхан шатны шүүхээс үзсэн байна. Анхан шатны шүүхийн шийдвэрийг нэр дэвшигч хүлээн зөвшөөрөхгүй байгаа тул давж заалдах шүүхэд хандаад байгаа аж. Давж заалдах шатны шүүхийн шийдвэр хэрхэн гарахаас хамаарч түүний нэрийг татах эсэхийг СЕХ шийдвэрлэх ажээ. Мөн УИХ-ын 49-р тойрог буюу БЗД-т МАН-аас нэр дэвшсэн Д.Оюунхоролын шадар туслах Н.Энхзаяа мөнгө тараасан гэж үзэж анхан шатны шүүхээс нэрийг нь татах үндэслэлтэй гэж үзэн шийдвэрээ гаргасан. Гэвч нэр дэвшигч Д.Оюунхорол анхан шатны шүүхийн шийдвэрийг хүлээн зөвшөөрөхгүй гэж үзэн давж заалдахаар болжээ. Давж заалдах шатны шүүхийн шийдвэр хэрхэн гарахаас хамаарч түүний нэрийг татах эсэхийг СЕХ шийдвэрлэх юм байна.
Ц.БАТТУЯА