Дөнгөж сая АН удирдлагууд төрийн ордонд мэдээлэл хийлээ. Тэд сонгуулийн үеэр гарсан зөрчлүүдийн талаар тэр дундаа саналын хуудастай холбоотой зөрчил дутагдлуудыг талаар мэдээллээ. Үүнд :
1. Хар машинаас гарсан нийт санал өгсөн хүний тоо нэрсийн хавтгайтай таарахгүй
2. Саналын хуудас дууссан зарим аймагт саналын хуудсыг хувилан санал авсан
3. Аймгуудад шилжин ирсэн царцааны нүүдэл
Эдгээр хууль бус үйлдлүүдэд шалгалт явуулахыг мөн СЕХ ажлаа хэрхэн хийснээ тайлагнахыг хүслээ. Мөн хууль хяналтын байгууллагыг МАН-тай холбоотой бичлэгийг шалган тогтоохыг хүссэн бөгөөд ийм олон зөрчлийн дараа тангараг өргөх нь хууль бус гэж мэдэгдлээ. АН-ын дарга З.Энхболд : "Манай нам хуулийн дагуу ажиллана. Хоёр долоо хоногийн дотор хуулийн байгууллагууд эдгээр зөрчил дутагдлыг шалгаад хариуг ирүүлэх хангалттай хугацаа байна, Ардчилсан нам шаардлагаа цааш үргэлжлүүлэн тавина" гэлээ.
Ц.БАТТУЯА