Өнгөрөгч амралтын өдрүүдэд Дархан өртөөнд сэлгээ хийж байсан олон улсын ачааны галт тэрэг осолдсон. ОХУ-аас БНХАУ руу ачаа тээвэр хийж байсан 5 вагон замаасаа гарч, мөргөлдсөн ослын шалтгааныг мэргэжилтнүүд тогтоохоор ажиллаж байна.
Бороо хур ихтэй байснаас, хөрсний гулгалт үүсэж, шороо нь доошоо сууснаас болж төмөр зам тэлсэн байх магадлалтай гэсэн анхны дүгнэлт гарч байгаа юм байна. Гадны вагон Монголын нутаг дэвсгэрт осолдсон учраас үүсэх хохирлыг Монголын тал барагдуулах нь тодорхой юм байна. Олон улсын гэрээ хэлэлцээрийн дагуу Швейцарь франкаар тооцоо хийгдэх тул ихээхэн хэмжээний төлбөр ялбарт Монголчууд унах магадлалтай гэж шинжээчид дүгнэж байна.
Ц.ХИШГЭЭ
