Тэр үнэхээр сайн бөх гэдгээ олон жил харууллаа. Түүнд дэмжлэг алга. Санхүүгээр болон, ам авчих, тахимаа өгчих нутгийн том цолтой бөх алга. Өөрийнхөө хүчээр 5 удаа Улсынхаа баяр наадам 4 давж, начны 5-ын даваанд 5 удаа бүдэрлээ. Гунигтай түүх. Мөнх-Эрдэнэ арслан улсын баяр наадамд 5 удаа үзүүрлэж, тавууланд нь Бат-Эрдэнэ аваргад өвдөг шороодсон байдаг. Ийм юм болчих вий дээ, гэж бөхийн хорхойтнууд санаа зовж сууна, Ш.Мөнгөнбаатарын өмнөөс. Харин Ш.Мөнгөнбаатар, өвдөг шороодчихоод, "Багш аа, зүгээр ээ, дахиад наадам байгаа шүү дээ" гэж Адьяахүү багшдаа хандаж хэлсэн байдаг. "Өөрт нь хичнээн хүнд байлаа ч, итгэл хүлээлгэсэн олныхоо сэтгэлийг чилээхгүй гэж тэр ингэж хэллээ. Ёстой л бөх хүнд л заяах ухаан, хүмүүжил гэдэг чинь энэ дээ" гэж багш Адьяахүү нь шавынхаа ухааныг үнэлсэн байдаг. Ирэх жилийн наадам хол байхаа больсон шүү, Мөнгөнбаатар арслан аа!
.JPG)
Ц.ЭНХБАТ
