МАХН-ын дарга Н.Энхбаярыг эрүүгийн хэрэгт холбогдуулан АТГ-аас шалгаж, яллагдагчаар татаад байгаа. АТГ-аас 6 удаа зарлан дуудах хуудас өгсөн боловч Н.Энхбаяр нэг ч удаа биеэр очиж байцаалт өгөөгүй байгаа.
Үүнийгээ МАХН Н.Энхбаяр тайлбарлахдаа "Өмгөөлөгчгүйгээр өөрөө өөрийнхөө эсрэг мэдүүлэг өгөхгүй байх үндсэн хуулинд заасан эрхээ эдэлж байна. Би өмгөөлөгчтэй болсон цагтаа хэзээ ч очоод байцаалт өгөхөд бэлэн" гэж байгаа.
Тэрээр улс төрийн энэ зохиомол хэрэг дээр өмгөөлөл хийх өмгөөлөгч олдохгүй байгаа тул АТГ болоод өмгөөлөгчдийн холбоо шударга ажиллах өмгөөлөгч томилж өгнө үү гэсэн утга бүхий хүсэлтийг явуулсан. Энэхүү хүсэлтийг АТГ хүлээн авч Монголын хуульчдын холбоонд Н.Энхбаярт өмгөөлөгч томилж өгөх хүсэлт гаргасан байна.
Л.ГАНТУЯА