Би зугтаагаагүй. УИХ-ын даргын зөвлөхийн хувиар гадаадад ажиллаад ирсэн. Хилээр чөлөөтэй гарч, орж байгаа гэсэн тайлбарыг үе үе өгч байсан Зам тээврийн сайд асан А.Гансүх оргон зайлжээ гэсэн мэдээллийг төвийн хэвлэлүүдээр цухалзаж эхэллээ.
Түүнийг УИХ-ын даргын шийдвэрээр, Олон улсын парламентийг судлах албан томилолтоор 6 сар гадаадад ажиллуулах болсон ч гэх мэдээлэл бас ил гарч эхэллээ. Оргон зайлсан, гадаадад томилолтоор ажиллахаар явсан гэдгийн ард хилийн цаана гарчээ гэсэн ойлголт төрж байна. А.Гансүхийг, бусдын онц их хэмжээний эд хөрөнгийг залилан мэхэлсэн, мөнгө угаах, албан үүрэгтээ хайнга хандсан зэрэг үндэслэлээр эрүү үүсгэн яллагдагчаар татсаныг УМБГ тодотгож байгаа. Сөүл-Улаанбаатарын чиглэлээр хил давсан А.Гансүхийг оргон зайлсан гэж үзээд УМБГ-ын зүгээс интерполд ханджээ.
Одоогоор Гансүхийг Интерполоор эрэн сурвалжилж эхэлжээ. Гэхдээ түүнийг танихгүй хүн байхгүй. Яагаад , хэн хил нэвтрүүлснийг ч мөн олж тогтоох шаардлага үүсчээ. Тэгвэл мөн ажилдаа хайнга хандсан гэдэг зүйл ангиар хилийн шалган өнгөрүүлэхийнхэн бас ороогдох нь ээ.
Ц.БАТТУЯА