МАН эрчим хүчний сайдад мэргэжлийн залуу боловсон хүчнээ томиллоо. П.Ганхүү нь Хөвсгөл аймгийн Цагаан-Үүр суманд 1976 онд төрсөн. Тэрээр Япон улсын Токио хотын Сэншүгийн Их Сургууль, Эрчим хүчний эдийн засгийн магистр, Австралийн Сиднейн Их Сургуулийн Олон Улсын Бизнесийн мастерын зэргийг тус тус хамгаалсан. Мэргэжилтнээс нь хэлтсийн дарга, газрын дарга, агентлагийн орлогч дарга хүртэл төрийн ажлыг анхан шатнаас нь ахиулан хийж ирсэн туршлагатай нэгэн.
2009-2012 оныг хүртэл нэлээн хэдэн жил Засгийн газрын хэрэгжүүлэгч агентлаг Эрчим хүчний газрын орлогч дарга байсан салбараа мэдэх хүн. Монголын эрчим хүчний салбарт өнгөрсөн дөрвөн жилд сүүлийн 30 жил хийгдээгүй их бүтээн байгуулалт хийгдсэн. Энэ ажлыг цааш нь үргэлжлүүлэн аваад явах туршлага түүнд бий гэж салбарынхан нь үнэлж байна.
Л.ГАНТУЯА