Ингэж УБЕГ-ын Эд хөрөнгийн бүртгэлийн дарга А.Туяа зөвлөж байна. Иргэд муу ёс гэхээс илүү гэр бүл дотроо ярилцан гэрээслэлээр өвөө тодорхойлох цаг ирсэн гэж мэргэжилтнүүд үзэж байна. Яагаад гэвэл, малчин, тариаланч, бизнес эрхлэгч гээд Монголын иргэд сүүлийн хэдэн жилд бүртгүүлэх өвтэй болсон байна. Гэрээслэл бичиж үлдээгээгүйгээс болж маш их зөрчил үүсэх болсон гэнэ. Хөрөнгийн эзэн гэнэт нас барах тохиолдол гарч байна. Түүнээс болж, гэр бүл, ах дүү, хамаатнуудын хооронд маргаан дэгддэг болсон. Ах дүү нар ам хэлээрээ учраа ололцохгүйд хүрснээс шүүхээр явах асуудал газар авсан байна.
Хөрөнгөтэй хүмүүс хорвоог орхихдоо, ардаа ингэж маргаан, "алалцаан" үүсгэх нь туйлын зохимжгүй. Тиймээс аль болох гэрээслэл бичиж хэвшвэл зөв зүйтэй юм гэж Туяа санал болголоо. Өмчийн эзэн хэнд юу үлдээхээ шийддэг. Таван хүүхэдтэй хүн байлаа гэхэд, ганцхан бага хүүдээ ч өмчөө шилжүүлж болно. Харин гэрээслэл байхгүй бол, иргэний хуулийн дагуу тухайн хүний төрсөн хүүхэд эсвэл эхнэр, нөхөр, өмчийг ижил тэгш хувааж авах эрхтэй юм байна.
С.ДЭЛГЭР